Protestlar bar Amerikağa cäyelde

Qara tänle Djordj Floydnıñ ülüe rizasızlıq tudırdı

1425942
Protestlar bar Amerikağa cäyelde

Amerika Quşma Ştatlarınıñ Minneapolis şähärendä qara tänle Djordj Floydnıñ poliŝiya qırıslığı näticäsendä yaqtı dön’yadan kitüennän soñ başlanğan protest çaraları bar ilgä cäyelde.

Oxayoda çaralar waqıtında Ştat mäcleseneñ täräzäläre watıldı, poliŝiya protestçılarğa qarata borıçlı gaz qullandı.

Koloradonıñ Denver şähärendäge çaralarda isä qoral tawışları işetelde.

Arizona ştatınıñ Feniks şähärendä tınıçlıq maqsatı belän başlanğan çaralarda kiyerenkelek arttı häm Ştat mäclesenä yul totqan rizasızlıq belderüçelär poliŝiya üzägenä taş ırğıttı.

Oregon ştatınıñ Portlênd şähärendä isä ber törkem protestçı poliŝiya üzäge yanında poliŝiya qırıslığına qarşı plakatlar kütärde.

N’yu-Yorkta yözlärçä keşe qatnaşında oyıştırılğan çaralarda isä 40tan artıq keşe qulğa alındı. Poliŝiyaneñ ber protestçı xatın-qıznı österäp maşinağa alıp baruı iğtibarnı cälep itte.



Bäyläneşle xäbärlär