Vakŝinanı kemnärdä tikşeräçäklär?

Oksford Universitetı koronavirusqa qarşı yasağan vakŝina Afrika illärennän Keniyada baliğ bulğannarda sınap qaralaçaq.

Bötendön’ya sälamätlek saqlaw oyışması xalıqara klinikalarnı küzätep barğan platformada êşçänlekneñ neçkälekläre belän urtaqlaştı. Moña kürä Keniyada 18 yäş’tän olı bulğan 400 keşegä yaña vakŝina yasalaçaq.

Keniyadağı Mediŝina tikşerenüläre institutı Welcome Trust tikşerenü programmasınıñ cirle partnyerı bulğan êşçänlekneñ yaqınça 2 yıl däwam itüe planlana.

Sälamät keşelär üzläre teläp qatnaşaçaq programmada barı tik tabib, şäfqat tutaşı häm farmaŝevtlarnıñ qatnaşuı iğtibarnı cälep itä.

Üzixtiyarilär virus cäyelgän Kilifi häm Mombasa şähärlärennän saylanaçaq.

Keniya däwlät başlığı Uhuru Kenyatta uzğan aynı keniyalelärneñ vakŝina testlarında tıçqan kebek qullanılmayaçağın açıqlağan ide.

Xökümätneñ älege programmanı raslap raslamawı älegä bilgesez.