İslam xälifäseneñ qaberen taladılar

Süriyädä Bäşşar Äsäd rejimı köçlärenä yärdäm itüçe İran terrorçı törkemnäre İslam xälifäläreneñ berse – Ğömär bin Ğabdelğazizneñ qaberen qazıp taladı. Ul İdlibneñ Mağaratünnuman rayonı yänäşäsendäge Däyr Şarki awılında urnaşqan.  

Rejim köçläre talanğan qaberne töşerep sośial’ media xisaplarında urtaqlaştı.

Ğomär bin Ğabdelğaziz – ikençe İslam xälifäse Ğömär xäzrätläreneñ onığı. Sośial mediadağı fotolarda anıñ qabereneñ êçe buş ikäne kürenä. Xälifäneñ cäsäde qaldıqlarınıñ yazmışı bilgele tügel.

Rejim köçläre Soçi häm Astana kileşülären sanlamıyça uzğan ayda Mağaratünnuman rayonın qulğa töşerde. Alar İslam xälifäse bulğan törbägä ut törtep zur zarar birgän ide.