Möselman tabib vakśina programmasın citäkli

Könbatışta koronavirus: soñğı sannar häm waqıyğalar

1419233
Möselman tabib vakśina programmasın citäkli

Dön’yada koronavirus säbäple ğomere özelüçelärneñ sanı 315 meñnän arttı. Yoqtıru oçraqları 4 million 770 meñnän kübräk. Sawığuçılar – 1 million 844 meñ.

90 meñnän artıq ülem oçrağı terkälgän AQŞ – kizüneñ üzäge sanala. İlbaşı Donal’d Trampnıñ koronavirusqa qarşı tözelgän vakśina programmasınıñ citäkçelegenä Marokko çığışlı möselman tabib Monsef Slaouinı quyuı zur qızıqsınu uyattı. Slaoui vakśina mäydanında dön’yanıñ aldınğı belgeçlärennän berse bularaq bilgele.

Kizüneñ Awrupadağı üzäge bulğan Angliyädä Kovid-19 säbäple ülüçelärneñ sanı soñğı 24 säğat’tä 170kä artıp 34 meñ 636 täşkil itte. 3 meñ 142 yaña oçraq terkälde häm tulayım yoqtıruçılar sanı 243 meñ 303kä citte.

İtaliyada kizü soñğı täwlektä 142 keşeneñ ğomeren aldı. İldä kizü başınnan birle ülüçelärneñ sanı 31 meñ 908 buldı. Aktiv awıru oçraqları sanı 68 meñ. Matbuğatta çıqqan mäğ’lümatlarğa qarağanda, Rieti şähärendä Kovid-19dan däwalanğan 104 yäş’lek xatın-qız sawıqtı. İldä bügennän başlap ğıybadätxanälär, çäçtaraşxanä häm güzällek salonnarı, restorannar, barlar, kafelar, muzeylar, kitapxanälär, sośial’ ara häm gigiyena şartları qısalarında, qabat êşli başlıy. Belgeçlär yaña kizü dulqınınnan saqlanu öçen xalıqnı qağıydälärne bozmasqa çaqıra.

Franśiyädä Kovid-19 säbäple ğomere özelüçelärneñ sanı sonğı täwlektä 483kä arttı häm 28 meñ 108 keşe täşkil itte. Yoqtıru oçraqları isä 490ğa kübäyep 216 meñ 30ğa citte.



Bäyläneşle xäbärlär