Yämändä separatist komandir üterelde
Ul Zancibar şähären qulğa töşerergä mataşa
1416620
Yämänneñ Zancibar şähärendäge bäreleşlärdä Berläşkän Ğaräp ämirlekläre yärdämendäge separatist Kön’yaq küçeş şurasına bäyle köçlärneñ komandirı Adil äl-Yafi üterelde. Bu xaqta Yämän armiyäse çığanaqları xäbär itte.
Zancibar şähäre ilneñ kön’yağındağı Äbyan töbägendä urnaşqan. Anıñ yanında bu könnärdä bäreleşlär yış buldı. Komandir Adil äl-Yafi şunda üterelä. Ul üz qul astındağı berleklär belän Yämän armiyäse kontrolendäge Zancibar şähäreneñ könçığışın qulğa töşerergä mataşa.
Kön’yaq küçeş şurası 26nçı aprel’dä Yämänneñ kön’yaq töbäklärendä qanunsız avtonomiyä iğ’lan itte. Şunnan birle xökümät köçläre belän ike arada bäreleşlär bara.
