"Mäçetlär dä açılırğa tiyeş"

Möselman ğalimnär ğıybadätxanälärne açarğa çaqıra

1415890
"Mäçetlär dä açılırğa tiyeş"

Bötendön’ya möselman ğalimnär berlege ğomum särqatibe Ali äl- Karadaği koronavirus çaraları yomşatılğan cirleklärdä mäçetlärneñ dä cämäğat’ namazları öçen açılırğa tiyeşlegen belderde. Anıñ tarafınnan yasalğan yazmaça belderüdä mondıy yullar bar: “Qayber däwlätlärdä kizüdä çigenü kürenü belän bergä sälamätlek saqlaw oyışmalarınıñ qağıydälärenä turı kiterep küp keşeneñ bergä cıyıluına röxsät itelgän barlıq il, şähär, bistä häm awıllarda mäçetlärneñ comğa, cämäğat’ häm täräwix namazları öçen açıluı, monı êşlägändä tiyeşle sälamätlek saqlaw çaralarınıñ kürelüe kiräk.”

Belderügä berlekneñ ğomum särqatibe Karadaği belän räis Äxmät är-Raysuni qul quyğan. Anda İzrail belän duslaşuğa êtärüçe seriallarnıñ “matbuğat çaraların butaştıruçı” buluı da äytelä.

Belderüdä yazılğança, İslam dön’yası Ramazan ayın uzdırğan waqıtta 4 väba töre belän oçraşa: berse-Kovid-19, ikençe – basıp aluçı sionistlar, soñğıları – baş butawçı media häm “matur seriallar”.



Bäyläneşle xäbärlär