İslam dinenä küçkän qıznı asırğa quşqannar

Möselmanlıqnı qabul itüen beldergän İtaliya qızına yanawlar yawdı

1416529
İslam dinenä küçkän qıznı asırğa quşqannar

Törek agentları tarafınnan Afrikada qotqarılğan ital’yan xatın-qız Sil’viya Romanoğa sośial’ media aşa bik küp yanaw kilgän. Bu xaqta İtaliyä matbuğatında yazalar.

Bilgele bulğança, Sil’viyä üz teläge belän möselmanlıqqa küçkän. Bu xaqta ul belderü dä yasadı. Yäş’ qız 2018nçe yılda Keniyada yärdäm oyışmasında êşli. Şul waqıtta anı urlap Somaliğa alıp kitälär. Yärdäm söyüçe qızğa, 18 ay äsirlektä bulıp qotqarılğannan soñ ilenä qaytqaç, mısqıllawlar häm yanawlar kilä başlıy. Alar barısı da Sil’viyäneñ İslam dinenä küçüe belän bäyle. Sośial’ media aşa naçar fiker belderüçelärneñ berse – İtaliyäneñ tön’yağındağı Asolo şähäre xakimiyäte şurası äğ’zası Niko Basso. Ul Facebook säxifäsendä Sil’viyä xaqındağı yazma astına “Asığız” dip yaza, ämma soñınnan anı sörtep ata.

İtaliyä matbuğatında çıqqan xäbärlärdä yazılğança, Milan prokuraturası üterü yanawlarına qadär barıp citkän näfrät süzläre belän bäyle cinayät’ êşe açqan. Romanoğa tän saqçısı bilgeläw turında da uylıylar. Milan poliśiyäse qız yäşäwçe uramda qurqınıçsızlıq çaraların köçäytkän.

Sil’viyä Romano “Africa Milele” yärdäm oyışmasında volontyer bula. Anı Keniyada 2018nçe yılnıñ 20nçe noyabrendä urlıylar. 18 ay äsir qalğannan soñ qıznı 9nçı mayda Törkiyä milli küzläw oyışması yärdämendä qotqardılar.



Bäyläneşle xäbärlär