Möselmannarğa qaberlek urını qalmadı

Koronavirus kizüe Franśiyädä yäşäwçe möselmannarğa tağın ber qıyınlıq tudırdı

1415673
Möselmannarğa qaberlek urını qalmadı

Franśiyädä yaña tör koronavirus kizüe säbäple möselmannar öçen qaberlek urını qalmawı belderelde. İldä möselmannarnıñ cenaza êşlären başqaruçı Taxara cämğıyäte räise Abdessamad Akrax äytüençä, ğadäti şartlarda teläklärenä qarap mäyetlärne tuğan yaqlarına cibärälär. Ämma koronavirus kizüe arqasında xäzerge waqıtta bu mömkin tügel.

Akrax Franśiyädäge ziratlarda möselmannar öçen bülengän öleşlärdä urın qalmawın citkerde. Ul bu problemağa tizräk çişeleş tabu kiräklegenä basım yasıy. “Qaberlek bulmawı arqasında yözlägän mäyet suıtqıç yäisä morglarda kötterelä,”-di Akrax.

Ul Awrupa Berlege äğ’zası bulmağan däwlätlär belän çiklärneñ yabıluı xälne tağın da qatlawlandıruın söyli. “Töreklär tışındağı möselmannarnıñ cenazaları çik aşa cibärelä almıy,”-di cämğıyät’ räise.  

Franśiyä İslam şurası mäğ’lümatlarına qarağanda, ildäge 300 ziratta möselmannar öçen bülengän urında yaqınça 100 qaber urını bar.



Bäyläneşle xäbärlär