Dubayda yanğın

Berläşkän Ğaräp Ämirleklärendäge Êkspo - 2020 Dubay kürgäzmäse uzaçaq mäydanda yanğın çıqtı. Êkspoziśiyäne oyıştıruçılardan Möxämmät İsa äl-Änsari bu xaqta yazmaça belderü yasadı. Anda äytelgänçä, yanğın Dubaydağı kürgäzmä mäydanında êretep-yabıştıru êşläre barışındağı xilaflıq säbäple bulğan. Anı waqıyğa urınına tiz arada kilep citkän grajdanlı saqlanu törkemnäre kontrol’gä ala. Yanğında ülüçe yäisä yaralanuçı yuq.

Êkspo - 2020 bıyıl Berläşkän Ğaräp Ämirleklärendä uzarğa tiyeş ide. Ul başta oktyabr’ ayına planlaştırıldı. Ämma koronavirus kizüe säbäple çaranı 1 yılğa kiçekterüne soradılar. Êkspoziśiyädä äğ’za illärneñ kübese anıñ 2021nçe yılnıñ 1nçe oktyabrennän 2022nçe yılnıñ 31nçe martına qadär uzuına rizalaştı.