Dön’yaküläm Vakŝina oçraşuı başlana
Videokonferenŝiyada 11 il liderları qatnaşaçaq
1410460
Awrupa Berlege häm Angliya partnyerlığında başlatılaçaq Dön’yaküläm Vakŝina Oçraşuı öçen şaqtıy il häm oyışma oçraşa. Başta 7,5 milliard yevronıñ cıyıluı maqsat itelä.
Koronavirus belän köräştä global’ vakŝina häm däwalaw kampaniyase bügen başlana. Dön’yaküläm Vakŝina Oçraşuında maqsat – vakŝina, däwalaw häm diagnoz quyu mäs’älälärendä xalıqara tikşerenülärne finanslaw.
Aziya, Yaqın Könçığış häm Amerika qıytğasınnan 11 il liderları qatnaşaçaq videokonferenŝiyada Amerika Quşma Ştatları, Qıtay, Hindıstan häm Rusiyä qatnaşmıy. Yärdäm kürsätäçäk berençe il – Angliya. London citäkçelege kampaniya qısalarında tikşerenü fondına 388 million sterling küçerde.
Dön’yaküläm kampaniya öçen yasalaçaq ikençe adım isä yänä bügenge oçraşuda açıqlanaçaq.