Antarktikadağı bozlarnıñ êrüe NASA küzlegennän

NASA Antarktikadağı bozlıqlarnıñ êrüe arqasında päyda bulğan klimat afäteneñ ülçämnären kürsätüçe video çığardı. Agentlıq anda ICESat-2 yasalma iyärçenennän soñğı 16 yılda kilgän mäğ’lümatlarnı qullana. Cihaz üzendäge lazer häm sensorlar yärdämendä boz qatlamnarınıñ global’ cılınudan niçek zarar kürüen ülçi.

İyärçen 2003nçe yıldan başlap 2019nçı yılğa qadär Antarktikanıñ könbatışında bozlıqlarnıñ êrüen terkäp bara. Bu prośess dingezdäge su biyeklege däräcäseneñ 14 millimetrğa kütärelüenä kitergän.

Belgeçlär bu miq’darnıñ okeannardağı su däräcäseneñ ğomumi kütärelü külämeneñ yaqınça öçtän beren täşkil itüenä basım yasıy.

Şul uq waqıtta Antarktikanıñ könçığış öleşendä bozlıqlarnıñ artuı küzätelä.

Global’ cılınu Antarktikada ber yılda yaqınça 120 gigatonna, Grenlandiyädä isä yaqınça 200 gigatonna boz yuğaluğa säbäpçe bula.