Koronavirustan saqlanu çarası - tires
Şveśiyädä xalıq Val'purgiy töne öçen cıyılmasın dip parkka tizäk tüktelär
Şveśiyäneñ Lund şähärendä üzäktäge parka ber tonna tawıq tirese tükkännär. Bu här yıl uzuçı tradiśion festival’ waqıtında xalıqnıñ bergä cıyıluın kirtäläw öçen êşlängän.
İngliz gazetı “Independent”nıñ xäbärenä qarağanda, Lund şähärendä Şveśiyädäge iñ zur universitetlarnıñ berse urnaşqan häm xalıq şaqtıy tığız yäşi. Qalada mennärçä keşe 30nçı aprel’dä Awrupada kiñ taralğan bäyräm – Bal’purgiy töne uñayınnan zur törkemnär belän piknik yasıy häm uçaqlar yağa.
Lund şähäre idaräse bu festival’dän qotılu yulın tirestä kürä. Qalanı koronavirus kizüennän saqlaw öçen parkka 1 tonna tawıq tizäge kiterep tügälär.
İl külämendä dä xalıqqa möräcäğat’ itep, tamırları mäcüsilekkä barıp totaşuçı häm yaznıñ kilüen xäbär itüçe, şul uq waqıtta, ubırlılarnı quu yolası bulğan Val’purgiy tönen bäyräm itärgä cıyılmawların soradılar.
Bäyläneşle xäbärlär
Xan-Yunusta yaña mäyetlär tabıldı
“Nasır xastaxanäse” kompeksında tabılğan kümäk qaberlektän tağın 51 mäyet çığarıldı