"Kim Çen Innın sälamätlege turında fikerem bar, ämma äytmim"

AQŞ däwlät başlığı Donal’d Tramp Tön’yaq Koreya liderı Kim Çen Innıñ sawlığı turında fikere barlığın, ämma monı xäzergä beldermäyäçägen äytte. “Anıñ yaxşı buluın telim. Kim şimbä könne belderü yasamadı, çönki yasıy almadı. Bik yıraq bulmağan kiläçäktä Kimnän xäbär alaçaqbız,”-dide Tramp Aq Yortta uzğan matbuğat cıyılışında.

AQŞ ilbaşı Tön’yaq Koreya liderı belän yaqın mönäsäbätlär urnaştıruın da assızıqladı. “AQŞ ilbaşı min bulmasam, xäzerge waqıtta Tön’yaq Koreya belän suğışır idek,”-dide ul.   

Bilgele bulğança, Kim Çen In turında soñğı atnalarda imeş-mimeşlär küp buldı. Anıñ bik nıq awıruın häm, xätta, ülüen belderdelär.

Tön’yaq Koreya liderınıñ 12nçe aprel’dä yörägenä operaśiyä yasatuı häm ternäklänep kilüe turında da xäbärlär buldı.