Qıtayğa awır sorawlar bireläçäk

Angliyä tışqı êşlär ministrı Dominik Raab Qıtaynıñ koronavirusnıñ niçek kilep çığuı häm kizüne başında uq tuqtatu ixtimalı turında awır sorawlarğa cawap birergä tiyeşlegen äytte. Ul çirne başınnan alıp axırına qadär tağın ber qat küzdän kiçerep çığu häm monda fänneñ nigez itep alınuı ähämiyätenä basım yasadı.

“Bez bu mäs’älädä böten kisken poçmaqlarnı iğ’tibarğa alıp balanslı bulırğa tiyeş. Ämma hiç şöbhäsez, bu krizistan soñ êşlär êlekkege şikelle bulmas. Monıñ niçek barlıqqa kilüe häm başta uq tuqtatu mömkinlege turında awır sorawlar birüebez kiräk,”-dip söyläde Raab köndälek brifingta.

Angliyä tışqı küzläw xezmäte M16nıñ êlekkege başlığı Djon Souêrs 15nçe aprel’dä yasağan belderüendä Qıtaynıñ Kovid-19 kizüe mäs’äläsendä dön’yadan başında uq mäğ’lümat yäşerüen häm cawapqa tartıluı kiräklegen äytkän ide.

Meñnärçä keşeneñ ülemenä säbäpçe bulğan virus uzğan dekabr’ ayında Qıtaynıñ Uxan’ şähärendäge balıq bazarında kürengännän soñ tiz arada böten dön’yağa taraldı.