Virus depressiyağa iltä
Kizü aqıl sälamätlegendä tirän täêsir qaldıra
Psixiatr häm psixologlar koronavirus kizüeneñ xäzerge waqıtta häm kiläçäktä keşelärneñ aqıl sälamätlegendä tirän täêsir qaldıraçağın açıqladı.
“The LancetPsychiatry” jurnalında urın alğan mäqalädä belgeçlär Kovid-19 kizüeneñ keşe psixologiyase östendäge täêsirläre belän bäyle kiñ qırlı êşçänlek alıp baru zarurlığına işarät itte.
Psixologlar äytüençä kizüneñ ruxıy sälamätlekkä täêsirlären tikşerergä kiräk häm monıñ öçen bilgele miqdarda fondnı xäzerdän ük ayırıp quyu zarur.
Belgeçlär kizü kiterep çığarğan yalğızlıq häm soŝial’ izolyaŝiya arqasında bu çordağı depressiya, üz-üzeñä zıyan salu häm intixarğa kereşülär külämen küzätü kiräklegen belderde.
Bu çorda depressiyadan saqlanu öçen xobbi belän şöğıllänü, ğailä häm duslar belän onlayn küreşü, kitap uqu, fil’m qaraw, öydäge êşlär belän mäşğul’ bulu, öydä sportka yünälüneñ faydalı buluı assızıqlana.
