AQŞta köçle cil öylärne sütep atqan
Qayber cirleklärdä ğadättän tış xäl iğ'lan itelde
1397010
AQŞta xakimlek itüçe dawıl häm ğarasatlar arqasında Missisipi ştatında 6 keşeneñ ğomere özelde. Cirlektä ğadättän tış xäl iğ’lan itelde. Bu xaqta gubernator Teyt Rivz Twitter säxifäse aşa belderde. Ul monıñ xalıq iminlege häm sälamätlegen saqlaw öçen kiräk buluın äytte.
Missisipineñ Klarksdeyl rayonında köçle cil êlektr bağanaları häm ağaçlarnı awdarğan.
Monro şähäre mêrı Djeymi Mayo da qalada kimendä 200-300 yortnıñ zarar kürüen, ülem-kitem bulmawın belderde. Cil binalarnıñ tışqı qaplawların sütep Monro aêroportınıñ oçış yullarına kiterep atqan. Şunlıqtan andağı säfärlär ğamäldän çığarılğan.
Alabama ştatınıñ Morgan töbägendä ber çirkäwneñ tübäse häm çañ manarasın yäşen suqqan.
