Süriyägä suğış öçen aqça birgännär...

Törkiyä belän Rusiyä utnı tuqtatırğa kileşkän waqıtta Äsäd başqa uyın alıp bara

1394446
Süriyägä suğış öçen aqça birgännär...

Berläşkän Ğaräp Ämirlekläreneñ täxet prinśı Möxämmät bin Zayed Äl Naxayan Süriyäneñ İdlib töbägendäge utnı tuqtatu kileşüen bozu öçen Bäşşar Äsädkä zur külämdä aqça täq’dim itkän dip baralar. Bilgele bulğança, kileşü 5nçe martta Törkiyä belän Rusiyä arasında tözelgän ide

“Middle East Eye” säxifäsendä urın alğan xäbärgä qarağanda, prinś Naxayan utnı tuqtatuğa komaçawlaw öçen Äsädkä 3 million dollar täq’dim itkän.  Ul Törkiyä belän Rusiyä arasındağı kileşü tözeler aldınnan qardäşe Taxnoun bin Zayedneñ milli iminlek kiñäşçese Ali Al-Şamsine Süriyä başqalası Dimäşqqä cibärä. Wäkilneñ burıçı Äsäd belän söyläşü ide dip baralar.

Törkiyä ilbaşı Räcäp Tayyip Ärdoğan belän Rusiyä däwlät başlığı Vladimir Putin ytnı tuqtatu kileşüe turında fiker alışqan waqıtta Naxayannıñ Äsäd belän söyläşüe belderelä. Prinś utnı tuqtatuğa riza bulmawların taläp itkän, Äsäd isä matdi yärdämgä ixtiyacı buluın äytkän. Xäbärdä yazılğança, Äsäd utnı tuqtatunı bozu öçen 5 milliard dollar sorağan, ämma 3 milliard dollarğa rizalaşırğa mäcbür bulğan. Kileşü imzalanğançı 250 million dollar tüläw yasaluı alğa sörelä.

Älege plan turında Rusiyägä barıp işetelgännän soñ, Putin saqlanu ministrı Sergey Şoygunı Dimäşqqa cibärgän. Ul Asädkä: “Yaña höcüm başlawıñnı telämibez. Rusiyä utnıñ tuqtatıluın teli,”-dip belderä.  

Xäbärdä yazılğança, Naxayan, Şoygunıñ säfärennän soñ, qabat omtılış yasıy häm Äsädkä tağın 1 milliard  dollar tüli.



Bäyläneşle xäbärlär