Könçığışta virus

Bar dön’yada Kovid-19 kizüennän 87 meñ keşe ülde. Virusnı 1 million 521 keşe yoqtırdı, sawığuçılar isä – 330 meñnän artıq.

Qıtayda virustan soñğı täwlektä 2 keşeneñ ğomere özelde. Ülüçelär sanı 3335kä citte.

İranda virus 3993, Kön’yaq Koreyada 204, İzraildä 79, Malayziyada 65, Misırda 103, Marokkoda 93, Aljirda 205, Ğıyraqta 69, Somalida 1 can aldı.

Bötendön’ya sälamätlek saqlaw oyışması mäğlümatlarına kürä Afrika qıytğasında 10420 virus oçrağı kürelde, ülüçelär sanı 517gä citte.

Liberiyada kizügä qarşı köräş qısalarında ğadättän tış xäl iğlan itelde.