AQŞta virustan kübräk Afrikalılar ülä

Bu isä’ “İldä tiñ sälamätlek saqlaw xoquqları barmı?” sorawın tudırdı

1393413
AQŞta virustan kübräk Afrikalılar ülä

Amerika Quşma Ştatlarında qayber ştat häm şähärlärdä Kovid-19 kizüennän ülüçelär arasında Afrikalılarnıñ küp buluı öyränelde.

Bu wazğiyät’ “İldä tiñ sälamätlek saqlaw xoquqları barmı?” sorawın tudırdı.

Xalıq sanınıñ 30%ın qara tänlelär täşqıyl’ itkän Çikagoda mêr Lori Laytfud şähärdä koronavirustan yaqtı dön’yadan kitüçelärneñ 72%ınıñ çığışı belän Afrikadan buluın citkerde.

“Bu sannar Kovid-19nıñ cäyelüe häm cämğiyät’lär arasındağı tiñsezlek belän bäyle borçulı küreneş tudıra,” – dide ul.

Kizü kürelgän ikençe ştat Luizianada da Kovid-19dan ülüçelärneñ 70%ı qara tänle bulıp çıqtı.

Xalıq sanınıñ 32%ı Afrikalılardan torğan Luizianada ştat başlığı Djon Bel Êdvards bu sannarnıñ säbäben tikşeräçäklären äytte.

Şul uq xäl Miçigan häm Detroit ştatlarında da kürelgän.

Keşe xoquqların yaqlawçı advokatlar komitetı federal’ xökümätne bu mäs’älädä çın sannarnı açıqlarğa çaqırıp bolay dide: “Bez bu krizis çorında här ıruğ keşeseneñ tiñ sälamätlek xezmäte aluın belergä tiyeş.”



Bäyläneşle xäbärlär