Koronavirus: Rusiyӓdӓ qatğıy çaralar kertelӓ

Dönya külӓmendӓ koronavirustan ülüçelӓr sanı 37 meňnӓn ,anı yoqtıruçılar sanı 800 meňnӓn artqan.

Tön’yaq Kipr Törek Cömhüriyӓtendӓ Kovid-19 kizüe belӓn körӓş qısasında bügennӓn başlap 21.00.- 06.00. sӓğӓt’lӓr arasında uramğa çığunı tıyğan qarar qabul itelgӓn.

İranda koronavirus 2 meň 898 keşene yaqtı dönyadan alıp kitkӓn. İldӓ kizüneň tağın 2 ay dӓwam itüe kötelӓ.

Rusiyӓdӓ bügenge köndӓ Kovid -19 belӓn 2 meň 337 keşe çirli. Annan ülüçelӓr sanı – 18. İldӓ anı yoqtıruçılar sanı bik tiz artu sӓbӓple ӓzerlӓngӓn qanunğa kürӓ ,Kovid-19 çaraların ütӓmӓw, bozu “terror ğamӓle” başqaruğa tiň bulaçaq. Qanunğa kürӓ , küp sanda keşegӓ virus yoqtıruğa sӓbӓp buluçılarğa 12 meň 300 dollar ( 1 million rubl’) ştraf qarala  yӓisӓ 3 yılğa qadӓr törmӓ küzdӓ totıla. Virus sӓbӓbe belӓn 1 keşeneň ülemenӓ sӓbӓpçe buluçılarnı isӓ 24 meň 600 dollar ( 2 milion rubl’) ştraf yӓisӓ 5 yılğa qadӓr törmӓ cӓzası kötӓ. Qanunda 2 hӓm annan kübrӓk keşeneň ülemenӓ kitergӓn şӓxeslӓrgӓ 7 yılğa qadӓr irektӓn mӓxrüm itü cӓzası urın ala.

Azӓrbaycanda koronavirusqa qarşı körӓş qısasında uramğa çığunı tıyu iğ’lan itelgӓn. İldӓ xӓtӓr virustan 4 keşeneň ğomere özelgӓn, anıň belӓn 273 keşe çirli.

Ğıyraqta koronavirus 46 can alğan, yoqtıruçılar sanı - 630. 152 keşe dӓwalanıp xastaxanӓdӓn çıqqan.

İzrail sӓlamӓtlek saqlaw ministrlığı mӓğ’lümatlarına kürӓ , ildӓ virus yoqtıruçılar sanı 4 meň 831 gӓ, annan ülüçelӓr sanı 18 gӓ citkӓn.

Kovid -19 dan Aljirda 35, Marokkoda 33, Tunista 10,Yordaniyada 5, Livanda 12 keşeneň ğomere özelgӓn.

Afrikada koronavirus belӓn körӓş qısasında öleşçӓ yӓisӓ tulısınça uramğa çığu tıyuı kertkӓn il sanı 18 bulğan.

M’yanmada koronavirustan tӓwge ülem oçrağı terkӓlgӓn.

Ӓfganstanda bügenge köndӓ anıň belӓn 174 keşe çirli.

Könçığış Afrika ile Tanzaniyada koronavirustan tӓwge ülem tormışqa aşqan. İldӓ 19 keşegӓ Kovid -19 diagnozı quyılğan.

Afrika qıytğasında qurqınıç virus yoqtıruçılar sanı yaqınça 5 meňgӓ citkӓn , ülüçelӓr sanı 150 dӓn kübrӓk.

Filippinnarda Kovid 19 dan 88 keşe yaqtı dönyadan kitkӓn, yoqtıruçılar sanı – 2 meň 84.