"Koronavirus yevangelist çirkäwennän taraldı"

Franśiyä sälamätlek saqlaw ministrı Oliv’ye Veran koronavirusnıñ uzğan ay Myuluz şähärendäge yevangelist çirkäwendä bulğan dini yolalardan soñ taraluın tanıdı. Ul bu xaqta jurnalistlarğa da söyläde. Ber jurnalğa reportajında ministr bolay di: “Borılış noqtası Myuluzdağı yevangelist çirkäwendä uzğan cıyılış ide. Kizü il buyınça, çınlap ta, annan taraldı”.

“Le Monde” gazetınıñ xäbärendä koronavirusnıñ Myuluzdağı ğıybadätxanädän Avstriyägä kitüe yazıla.

Venada yäşäwçe ber ğailä 17nçe-21nçe fevral’dä älege çirkäwdäge dini yolalarda qatnaşa. 27nçe fevral’dä alar Bel’giyä arqılı Venağa qayta häm virus testları pozitiv çığa.

Xäbärdä bu ğıybadätlärneñ Kovid-19nıñ Afrika däwläte Burkino-Fasoda da kürenüenä säbäpçe buluı äytelä. Vagaduguda yäşäwçe ruxani Mamadu Filipp Karambiri älege yolalarda qatnaşa häm öyenä qaytqaç virus yoqtıruı açıqlana.

Frans İnfonıñ xäbärendä Myuluzdağı yevangelist çirkäwendä 17-21nçe fevral’däge ğıybadätlärdä bulğan kimendä meñ keşedä koronavirus tabıluı belderelä.

Cirle matbuğat çaraları bik küp şähärdän qatnaşuçılar bulğan älege dini yolalarnıñ Franśiyädä kizüneñ taraluına kiterüen assızıqlıy.