Koaliśiyä köçläre kitkän

Ğıyraqnıñ Kärküktäge xärbi bazasınnan AQŞ citäkçelegendäge koaliśiyä köçläre çıqtı.

1387287
Koaliśiyä köçläre kitkän

Ğıyraqnıñ Kärkük şähärendäge K1 xärbi bazasında urnaşqan koaliśiyä köçläre kitte. Bu xaqta töbäkneñ operaśiyälär komandirı, general-leytenant Saad Xarbiyä belderde.

Anıñ äytüençä, terrorçı oyışma DEAŞ belän köräşüçe AQŞ citäkçelegendäge koaliśiyä köçläre kitkännän soñ, kontrol’ Ğıyraq xärbiläre qulına küçkän. Ul koaliśiyä köçläreneñ şähärneñ iminlegen täêmin itügä öleş kertülären dä citkerde. Xarbiyä alarnıñ DEAŞ belän körräştä Ğıyraq armiyäsenä küzläw häm öyrätü mäydanında yärdäm itülären äytte. Monnan tış, xärbi, idari häm logistika cihazların da qaldırıp kitkännär.

Ğıyraqta AQŞqa bäyle 9 xärbi baza bar.

Başqala Bağdadtağı Taci xärbi bazasına soñğı aylarda 3 tapqır raketa höcüme oyıştırıldı. Kaim xärbi bazası da, şul uq räweşle, soñğı aylarda törle höcümnärgä duçar buldı.



Bäyläneşle xäbärlär