Finans ministrı üle kileş tabıldı
Anıñ gäwdäsen rel'slar östennän tabıp alalar...
Germaniyäneñ Gessen töbäge finans ministrı Tomas Şefernı üle kileş tabıp aldılar. Vistbaden prokuraturası häm Vestxessen poliśiya idaräsennän yasalğan urtaq belderüdä äytelgänçä, Xoxxaym şähärendä tizyöreşle poyızd yulındağı rel’slar östendä ber ir-atnıñ mäyete tabıla. Anıñ kemlegen tänendäge yaralar arqasında şunda uq belä almağannar. Poliśiyä bülekçäsendä ülgän keşeneñ Gessen töbäge finans ministrı Tomas Şefer buluı açıqlana.
Şahitlärne tıñlaw, tikşerü häm bäyäläw näticäsendä ir-atnıñ üz-üzenä qul salu variantı östenlek itä.
Gessen töbäge başministrı Fol’ker Buff’ye Twitter aşa belderü yasap, Şefernıñ ğailäseneñ qayğısın urtaqlaştı, kötelmägän räweştä ğomeren özüenä ışana almawların citkerde.
Şefer öylängän, 2 balası bar. Ul 2010nçı yıldan birle töbäkneñ finans ministrı wazıyfasın başqara.
Neneś matbuğatındağı xäbärlärdä yazılğança, Tomas Şefer töbäk başministrı Buff’ye urınına kilä alırlıq namzätlärdän berse bula.
