Qurqınıç virus bireşmi

Dön’yada koronavirustan 22 meñnän artıq keşe ülde

1386149
Qurqınıç virus bireşmi

Dön’yada yaña tör koronavirustan 22 meñnän artıq keşeneñ ğomere özelde.

Koronavirus arqasında ülüçelär sanı 3287, viruslı sanı 81 meñ 285kä citkän Qıtayda çit il keşelärenä waqıtlıça ilgä kerü tıyıldı.

İranda Kovid-19dan ülüçelär sanı 144kä artıp, 2378 buldı. İldä barlıq milli parklar yabıldı.

Azärbaycanda Kovid-19 virusınnan 3 keşe yaqtı dön’yadan kitte. İldä virusnı yoqtıruçılar sanı 104 buldı.

İzraildä xätär virus 8 can aldı, 2693 keşegä yoqtı.

Rusiyädä Ministrlar Şurası ildä ğadättän tış xälneñ iğlan itelüen küzdä totuçı qanun ölgesen Dumağa tapşırdı. Mäğarif ministrlığı da uquçılarnıñ 28 mart-5 aprel’ könnärendä yalda bulaçağın citkerde. Karantin rejimın bozğan 500 keşe xaqında tikşerü başlatıldı.

Ber keşe ülgän Moldovada virusnı yoqtıruçılar sanı 149ğa çıqtı. İldä mäktäplärneñ 15 mayğa qadär yabıq bulaçağı citkerelde.

Ukrainada kizüdän ülüçelär sanı 5kä, viruslı sanı 156kä citte.

Gruziyada xökümät 79 keşeneñ virusnı yoqtıruın açıqladı.

Üzbäkstanda koronavirustan ber keşe ülde, viruslı sanı 18gä artıp, 83 buldı.

Qatarda awıru sanı 549ğa citte. İldä irtägädän başlap kafe, sport üzäge häm küñel açu urınnarınıñ yabılaçağı citkerelde.

Yordaniyada isä tağın 40 keşedä Kovid-19 tabıldı, awıruçı sanı 212 buldı.

Soğud Ğaräbstanında koronavirus kizüenä qarşı köräş qısalarında Riyad, Mäkkä häm Mädinä şähärlärenä kerep-çığular tıyıldı.

Kovid-19 arqasında Tunista ülüçelär sanı 5kä citte, virusnı Aljirda 367, Äfğanstanda 90 keşe yoqtırdı.

Bangladeşta arakanlı ber million tiräse qaçaq yäşägän 34 şähärçek karantinğa yabıldı.

Burkina Fasoda virus 7 keşeneñ ğomeren özde, 152 keşegä yoqtı. İldä başqala belän bergä 8 şähär karantinğa yabıldı.

Kizüdän ğomere özelüçelär sanı 78 bulğan İndoneziyada virus oçrağı 893kä çıqtı.

Keniyada virustan berençe ülem kürelde. Xastanıñ ilgä Kön’yaq Afrikadan kilüe belderelde.



Bäyläneşle xäbärlär