Oppoziśiyä liderı yuqqa çıqtı

Malida ilbaşına namzät Gisse häm anıñ törkeme xäbärsez yuğaldı.

1385494
Oppoziśiyä liderı yuqqa çıqtı

Malida yäkşämbe könne bulaçaq ğomumi saylawlar aldınnan xalıq belän oçraşular ütkärü öçen yuğla çıqqan oppoziśiyä liderı Soumaila Gisse häm anıñ belän bergä bulğan kampaniyä törkemennän xäbär-xäter yuq. Cirle matbuğatta çıqqan mäğ’lümatlarğa qarağanda, alar ilneñ üzäk regionındağı Niafunkeğa kitkän bulğan.

Oppoziśiyä liderı häm yanında bulğan törkemnän berkemneñ telefonı cawap birmi. Gisseneñ partiyäse Cömhüriyät häm demokratiyä berlege äğ’zaları borçu êçendä. Alar xökümät, armiyä häm BMOdan yärdäm sorıy. Çönki Malinıñ tön’yaq häm üzäk regionnarı 2012nçe yıldan birle separatist bäreleşlär häm terrorçı höcümnärenä duçar.

Monnan alda finans ministrlığında êşlägän Gisse ilbaşı saylawlarında 3 tapqır namzät buldı.



Bäyläneşle xäbärlär