Koronavirus Pentagonga kerde

Könbatışta kizü alğa baruın däwam itä

Koronavirus Pentagonga kerde

Koronavirustan ülü oçraqları dön’ya külämendä 21 meñnän arttı.

İtaliyädä Kovid-19dan ğomere özelüçelär sanı soñğı täwlektä 683kä arttı häm 7 meñ 503 keşe täşkil itte. İldä terelüçelärne dä kertep koronavirus yoqtıruçılarnıñ tulayım sanı 74 meñ 386. Cirle matbuğattağı xäbärlärgä qarağanda, kizüdä tağın 6 tabib ülgän. 21nçe fevral’dän başlap ğomere özelgän mediśina xezmätkärläreneñ sanı 31gä citte.

İspaniyädä Kovid-19dan 3 meñ 647 ülem terkälde. Ul iñ küp keşesen yuğaltqan ikençe il buldı. İspaniyädä 49 meñ 515 awıruçınıñ 5 meñ 400e mediśina xezmätkäre.

Franśiyädä kizüdä ülüçelärneñ sanı 1331gä citte. İlbaşı Êmmanuêl’ Makron xärbilärneñ koronavirus belän köräştä xalıqqa häm däwlät oyışmalarına yärdäm itäçägen belderde.

Germaniyädä virustan ülüçelär sanı 198gä, yoqtıruçılar isä 36 meñ 508gä citte.

Niderlandta kizüdä 356 keşe ülde, yoqtıruçılar yaqınça 7 meñ.

Angliyädä koronavirus 465 keşene alıp kitte. Yoqtıruçılar sanı 9529 buldı. Terelüçelär- 135.  

AQŞta koronavirustan ülüçelär sanı 802gä citte. Yoqtıru oçraqları 55 meñ 238. Bolarnıñ 415e armiyädä. Berençe tapqır Pentagon binasında xezmät itüçe ğaskäridä Kovid-19 tabıldı. AQŞta kizüdän iñ küp zarar kürgän ştat – N’yu-York. Anda 33 meñnän artıq awıru oçrağı terkälde. 366 keşe ülde. Maxsus al'yapqıçları betkännän soñ qayber şäfqat' tutaşları çüp paketların qullana başladı. 



Bäyläneşle xäbärlär