Awrupanıñ sälamätlek saqlaw tarmağına qurqınıç yanıy

Anıñ kiläse ayda inde mömkinlekläre citärsez bulaçaq

Awrupanıñ sälamätlek saqlaw tarmağına qurqınıç yanıy

Koronavirus kizüeneñ taraluı çiklänmägän wäzğıyät’tä Awrupa illärendäge reanimaśiyä mömkinlekläre kiläse ay urtasında citärsez kalaçaq. Bu xaqta  Awrupa awırularnı profilaktikalaw häm kontrol’ üzägennän citkerdelär. Oyışmanıñ belderüendä Awrupa Berlege häm Angliyädä koronavirus kizüe säbäple sälamätlek saqlaw tarmağı mömkinlekläreneñ citmäw qurqınıçı yuğarı buluı, yoqtıruçılarnıñ 30%ınıñ xastaxanägä salınuı, 4%ınıñ isä xäleneñ awır ikäne äytelä.

Xastaxanägä salınuçılarnıñ kübese 60 yäş’tän ölkännär. Alar arasında ülem däräcäse 12%.

Belderüdä Qıtaynı iskä töşerep, andağı awıruçılarnıñ 4%ınıñ mediśina xezmätkärläre buluına iğ’tibar cälep itelä. Awrupa wäqalätlelären alarnı saqlawçı kiyem häm başqa kiräk-yaraq belän täêmin itärgä çaqıralar.

Monnan tış, Kovid-19nıñ cılı häm dımlı hawada aktivlığı azraq buluı turında fänni dälillärneñ yuqlığı da äytelä.



Bäyläneşle xäbärlär