“Awrupa Berlege ӓğ’zası bulğan ber genӓ il dӓ bu krizisnı üze genӓ xӓl itӓ almıy”

Bu xaqta Awrupa Berlege komissiyӓse başlığı Ursula von der Leyen belderde

1385643
“Awrupa Berlege ӓğ’zası bulğan ber genӓ il dӓ bu krizisnı üze genӓ xӓl itӓ almıy”

 

 Awrupa Berlege komissiyӓse başlığı Ursula von der Leyen Awrupa Berlegenӓ ӓğ’za ber genӓ ilneň dӓ Kovid -19 kizüen üze genӓ ciňep çığa almayaçağın belderde.

Ul Awrupa parlamentınıň ğomum şura utırışında yasağan çığışında küp kenӓ Awrupa Berlege ileneň koronavirusqa qarşı berençe adım bularaq çiklӓrne yabuın xӓterlӓtep,”Çiklӓre bulmağan bu krizisnı kirtӓlӓr quyıp çişep bulmıy”dide.

Von der Leyen Awrupada tovar hӓm xezmӓtlӓrneň irekle ӓylӓneşeneň ӓhӓmiyӓtenӓ basım yasap:” Qayber illӓr ber yaqlı rӓweştӓ produktlarnıň êçke bazarda uzuına qomaçawlıy. Bu mӓğ’nӓsez. Kovid-19 belӓn körӓştӓ illӓrneň yaqın xezmӓttӓşlek başqaruı zarur.Awrupa Berlege ӓğ’zası bulğan ber genӓ il dӓ bu krizisnı üze genӓ xӓl itӓ almıy”,-dide.  

Ul Awrupa Berlege illӓreneň ber-bersenӓ ışanuı kirӓklegen, Awrupanıň borılış noqtasında buluın hӓm bu virusnıň illӓrne bülergӓ tiyeş tügellegen aňlattı.

 



Bäyläneşle xäbärlär