Qaysı darular bulışa?

Koronavirus kizüe böten dön’yada yoğıntısın cäyeldergän arada däwalaw öçen daru uylap tabu êşçänlege dä bara. Qıtay milli biotexnologiyälär üzäge mödire Çjan Sin’min’ Yaponiyäneñ grip öçen yasap çığarğan ber daruınıñ koronavirustan terelü prośessın tizlätüen açıqlawların belderde. “Favipiravir” dip ataluçı älege preparatnı “Avigan” yäisä “Favilavir” dip tä yörtälär. Anı Qıtayda koronavirus yoqtırğan xastalarğa birgännär. Tabiblar darunıñ ternäklänü waqıtın 11 könnän 4 köngä töşerüen belderä.  

Bötendön’ya sälamätlek saqlaw oyışması koronavirustan däwalaw belän bäyle ähämiyätle kisätü yasadı. Älege kizüdäge simptomnar kürengändä, tabiblar belän kiñäşläşmiçä, ibuprofen qullanmasqa çaqıralar. Anıñ urınına awırtunı basuçı häm temperaturanı töşerüçe paraśetomol kergän darularğa östenlek birü kiñäş itelä. Yalqınsınunı kimetü üzençälege bulğan ibuprofen häm ul kergän preparatlar koronavirus waqıtında xastanıñ xälen tağın da naçarayta.

Angliyäneñ xalıq sälamätlege oyışması koronavirus yoqtırıp ta xastalanmıyça uzdırıp cibärüçelärne açıqlawçı antitänçeklär testı uylap tabırğa tırışuların belderde.      

Kovid-19dan däwalawda älegä raslanğan vakśina yäisä daru yuq.