Koronavirus vakśinasın berençe keşegä kerttelär

Amerikada vakśinanı sınap qaraw başlandı

1379698
Koronavirus vakśinasın berençe keşegä kerttelär

Yaña tör koronavirus vakśinasın keşelärdä sınap qaraw başlandı.

AQŞnıñ allergiyä häm yoğışlı awırular institutınnan belderülärençä, vakśinanı üz teläge belän täcribädä qatnaşuçı 43 yäş’lek Djennifer Xaller isemle xatın-qızğa kerttelär. Älege êşçänlek Siêtldağı ber tikşerenü institutında tormışqa aşırıldı.  

Milli sälamätlek saqlaw institutları tarafınnan yasalğan yazmaça belderüdä mondıy yullar bar:

“Açıq klinik êşçänlek yaqınça 6 atna buyınça 18dän alıp 55 yäş’kä qadärge 45 sälamät keşeneñ üz teläge belän qatnaşuın küzallıy. Berençe qatnaşuçı täcribä vakśinası dozasın aldı”.

Vakśinanıñ täêsirle häm qurqınıçsız buluın bilgeläw öçen qatnaşuçılarnıñ törle êtaplardan ütüe kiräk bulaçaq.

AQŞ wäqalätleläre äytüençä, ägär här närsä planlaştırğan şikelle barsa, vakśinanıñ 1 yıl yäisä yıl yarım êçendä xäzer bulaçağı belderelä. Anı AQŞ milli sälamätlek saqlaw institutlarınıñ ğalimnäre häm modern biotexnologiyä şirkäte uylap taptı. Kizülärgä qarşı xäzerlek koaliśiyäse isä testnı başqaru öçen matdi fon belän täêmin itte.



Bäyläneşle xäbärlär