Qorbannar iskä alındı

Yaña Zelandiyadäge terror höcümnӓrennӓn soñ ber yıl uzdı

1378425
Qorbannar iskä alındı

Yaña Zelandiyaneñ Kristçörç şӓhӓrendӓge Nur hӓm Linvud mӓçetlӓrenӓ oyıştırılğan terror höcümnӓrennӓn soñ ber yıl uzdı.

Höcümnӓrdӓ ğomere özelgӓn 51 keşe meñnӓrçӓ keşe qatnaşında iskӓ alındı.

Kristçörçtağı Xornkasl Arenada uzuı planlanğan milli iskӓ alu çarası koronavirus arqasında ğamӓldӓ çığarıldı.

Qorbannar Nur hӓm Linvud mӓçetlӓrendӓ iskӓ alındı.

Törle din keşelӓre qorbannar istӓlegenӓ çӓçӓklӓr qaldırdı, doğa uqıdı.

Yaña Zelandiya prem’yer-ministrı Djasinda Ardern sośial’ mediada yullama yasadı: “Ber yıl êlek ilebez üzgӓrde. Bügen rӓsmi çara uzmasa da, barıbız da imamnar hӓm cӓmӓğat’ süzlӓrenӓ qolaq salırbız dip ışanam. 15 mart könne yaqtı dön’yadan kitüçelӓrne xörmӓtlӓp matur êşlӓr başqarıyq. Bu bezneñ burıçıbız.”

 



Bäyläneşle xäbärlär