İranda çınlıqta niçä keşe ülde?

İranda koronavirustan 429 keşe ülüen belderälär. İlneñ tışqı êşlär ministrı Cävad Zarif çir belän köräşü öçen aşığıç räweştä mediśina kiräk-yaraqları, cihazlar häm analiz komplektlarına ixtiyac buluın belderde. Ul sälamätlek saqlaw ministrlığınnan alınğan isemlekne “aşığıç” süze belän Twitter säxifäse aşa urtaqlaşıp, barlıq däwlätlärne yärdäm itärgä çaqırdı. “Virus kemneñ kem ikänen ayırıp tormıy. Keşelär dä ayırmasın,”-dip yazdı ul.

10 meñnän artqan virus yoqtıruçılar arasında dini lider Ali Xamaneynıñ kiñäşçese dä buluın äytälär.

Şul uq waqıtta, Amerikanıñ “Vaşington Post” gazetı İrannıñ Kum şähärendä koronavirustan ülüçelär kümelgän kümäk qaberlek buluı farazlanuçı fotolar basıldı. Alar yasalma iyärçennän töşerep alınğan. Xäbärdä İrannıñ çınbarlıqtağı sannarnı yäşerüe äytelä.