İranda yalğan araqıdan ülälär

İrannıñ Axvaz şähärendä yalğan isertkeç êçemlek belän ağulanğan 7 keşeneñ ğomere özelgän.

Xuzistan töbäge gubernatorı urınbasarı Ali Birenvend beldergänçä, qayber keşelär spirtnıñ koronavirustan saqlawı turındağı süzlärgä ışanıp alkogol’ qullana başlağan. Ul 7 keşeneñ ğomereneñ yalğan araqıdan özelüen, monnan tış 48 keşeneñ ağulanıp xastaxanägä salınuın, alarnıñ qayberläreneñ küzläre suqırayuın äytte.

Birenvend ağulanuçılarnıñ qayberläreneñ xäle ayıruça citdi buluın häm ülüçelärneñ sanınıñ artu ixtimalın citkerde.