Könçığışta koronavirus
Ӓl-Aqsa mӓçete hӓr namazdan soñ sterilizaśiyalӓnӓ başladı
İrannıñ êlekke Dimӓşk ilçese, tışqı êşlӓr ministr wӓkile hӓm Parlament başlığı kiñӓşçese Xösӓyen Şӓyxelislam yaña tör koronavirustan yaqtı dön’yadan kitte.
Tӓhran xalıq ışanıçlısı, İslami koaliśiya partiyaseneñ Üzӓk şura ӓğzase Fatna Rexber isӓ Kovid-19 arqasında komada.
Başqa Tӓhran xalıq ışanıçlısı Zöxrӓ İlahiyannıñ da viruska birgӓn test nӓticӓlӓre uñay çıqtı. Şul rӓweşle virusnı yoqtırğan xalıq ışanıçlısı sanı 24 buldı.
İlneñ Mazenderan hӓm Gilan vilayӓt’lӓrenӓ kerü yulları yabıldı.
Yawlaw astındağı Yordannıñ könbatış üzӓnlegendӓ 7 fӓlӓstinledӓ qurqınıç virus tabıldı.
Könçığış Qudüs-Yerusalimda isӓ Ӓl-Aqsa mӓçete Kovid-19 kizüe arqasında hӓr namazdan soñ sterilizaśiyalӓnӓ başladı.
Soğud Ğarӓbstanı qurqınıç virus arqasında Kӓgbӓdӓ barı tik namaznıñ ğına uqılaçağın citkerde.
27 fevral’ könne keçe xacnı ğamӓldӓn çığaruın açıqlağan Soğud Ğarӓbstanı citӓkçelege kizüneñ taraluın buldırmaw qısalarında üz watandaşları hӓm ildӓ yӓşӓwçelӓr öçen dӓ ömrӓne waqıtlıça tuqtatuın citkerde.
