İldӓge Milli sӓlamӓtlek saqlaw komissiyasennӓn yasalğan açıqlawğa kürӓ ildӓ kizü arqasında soñğı tӓwlektӓ 31 keşe yaqtı dön’yadan kitte, 139 keşe virusnı yoqtırdı.

İtaliyada qurqınıç virustan ülüçelӓr sanı 107gӓ çıqtı.

İldӓge barlıq belem birü oyışmaları 15 martka qadӓr yabıldı.

Germaniyada viruslı keşe sanı 262 buldı, ӓ Franśiyada bu san 257gӓ citte.

Virus 2 keşeneñ ğomeren özgӓn İspaniyada awıru sanı 190ğa çıqtı. İldӓ virus berençe tapqır balalarğa da yoqtı.

Kovid-19 viruslı keşe sanı Greśiyada 9, Daniyada 10, Xorvatiyada 10, Niderlandta 38, Awstriyada 27, Çexiyada 8, Angliyada 87, Şveyśariyada 77gӓ citte.

Xӓtӓr virus Awrupanıñ qalğan illӓrenӓ dӓ cӓyelӓ.

Bosniya-Gerśegovina, Sloveniya, Pol’şa hӓm Vengriyada bügen berençe virus oçraqları kürelde.

Vengriya xökümӓt rӓise Viktor Orban ilendӓ belem aluçı 2 İran watandaşı yasatqan koronavirus testlarınıñ uñay çığuın belderde.

Pol’şa sӓlamӓtlek saqlaw ministrı isӓ Germaniyağa sӓfӓrennӓn soñ ilgӓ qaytqan ber keşedӓ virus testlarınıñ uñay çığuın açıqladı.

AQŞta Kovid-19 kizüennӓn ülüçelӓr sanı 11 buldı.