Nigeriyädä qırıslıq waqıyğalarında ber ayda 220 keşeneñ ğomere özelgän

Alar “Boko Haram“ terror oyışması häm qorallı törkemnär oyıştırğan höcümnärdä ülgän

1371216
Nigeriyädä qırıslıq waqıyğalarında ber ayda 220 keşeneñ ğomere özelgän

 

Könbatış Afrika ile Nigeriyädä uzğan ay küzätelgän qırıslıq waqıyğalarında 220 keşeneñ ğomere özelgän.

Cirle matbuğattağı xäbärlärgä kürä, alar ilneñ tön’yaq-könçığışında fevral’ ayında “Boko Haram“ terror oyışması häm qorallı törkemnär oyıştırğan höcümnärdä ülgän , älege höcümnärdä yözlärçä keşe yaralanğan.

 Şul uq ayda Kaduna vilayätendä “Boko Haram” äğ’zalarına oyıştırılğan operäśiyälärdä 250 terrorçı üterelgän , Borno vilayätendä oyışma totıq itep alğan 143 keşe qotqarılğan.

 Nigeriyädä 2000 nçe yıllarda barlıqqa kilgän “Boko Haram” terror oyışmasınıñ 2009 nçı yıldan birle başqarğan massaküläm qırıslıq waqıyğalarında 20 meñnän kübräk keşe yaqtı dönyadan kitkän.

 Oyışma 2015 nçe yıldan başlap xäzerge waqıtqa qadär Nigeriyäneñ çiktäş illäre Kamerun, Çad häm Nigerdä dä höcümnär başqardı.  



Bäyläneşle xäbärlär