“Berkem belӓn dӓ suğışırğa cıyınmıybız"

Rusiyӓ dӓwlӓt başlığı Vladimir Putin TASS agentlığına interv’yu birep, qoral citeşterü mӓs’ӓlӓsendӓ açıqlawlar yasadı.

Rusiyӓ armiyaseneň köçle buluına iğtibarnı cӓlep itkӓn Putin bolay dide: “Berkem belӓn dӓ suğışırğa cıyınmıybız. Berkemdӓ dӓ suğış fikere tumasın öçen kirӓkle şartlarnı buldırırğa tırışabız.”

Rusiyӓnen tarixta berençe tapqır dön’yada bulmağan qoral citeşterüen beldergӓn Putin: “Amerika Quşma Ştatları qoral mӓs’ӓlӓsendӓ bezne quıp citӓrgӓ tırışa. Bu tarixta berqayçan da kürelmӓde,” – dide.

AQŞ belӓn Rusiyӓ arasında 2010da imzalanğan Yaňa strategik qorallarnıň azaytıluı kileşüeneň azağına yaqınlaşuın xӓterlӓtkӓn Putin bu kileşüneň yaňartıluı zarurlığın assızıqladı.

Putin strategik ölkӓdӓge tigezlekne saqlaw kirӓklegenӓ dӓ basım yasadı.