Qıtay ilçesennän büläk

Ul İranğa mediśina bitlekläre büläk itte.

1366285
Qıtay ilçesennän büläk

Qıtaynıñ Tährandağı ilçese Çang Xua koronavirus belän köräşkä yärdäm itü maqsatınnan İranğa 250 meñ mediśina bitlege büläk itte. Ul bu xaqta Twitter säxifäsendä farsı telendä yazdı. “Qıtaynıñ İrandağı wäkile bularaq älege ilgä 250 meñ bitlek birdem. Kiläçäktä tağın da küp yärdäm cibäreläçäk,”-diyelä anda. Qıtay ilçese yazmasın “Köçle bul, İran” süzläre belän tämamlıy.

Qıtaynıñ Xubey provinśiyäse Uxan’ şähärendä 12nçe dekabr’dä berençe tapqır terkälgän koronovirus dön’ya külämendä 80 meñnän artıq keşegä yoqtı. Ülüçelär sanı - 2 meñ 700dän artıq.    

İranda isä Kovid-19 dip ataluçı älege çirdän ğomere özelüçelär sanı 16ğa, yoqtıru oçraqları 95gä citte. İlneñ sälamätlek saqlaw ministrı urınbasarı İreç Xärirçi üzeneñ dä koronavirus yoqtıruın belderde.



Bäyläneşle xäbärlär