Veneśiyä karnavalı bıyıl bulmıy

Koronavirus säbäple karnavalnı ğamäldän çığardılar

1364809
Veneśiyä karnavalı bıyıl bulmıy

İtaliyädä 3 keşeneñ ğomere özelügä kitergän koronavirus kizüe säbäple Veneśiyä karnavalı bıyıl bulmıy.

Veneto gubernatorı Luka Zaiya beldergänçä, kiçä kiçtän başlap älege bäyräm öçen oyıştırılğan barlıq çaralar ğamäldän çığarılğan.

Distälägän meñ turistnı şähärgä cälep itüçe karnavalnıñ irtägä qadär däwam itüe planlaştırıla ide.

Veneśiyä häm Venetonıñ başqa cirleklärendä muzey, mäktäp, universitet häm cämäğat’çelek öçen açıq barlıq ob’yektlar kimendä 1nçe martqa qadär yabıq bulaçaq.

Wäqalätlelär ildä Kovid-19nı yoqtıruçılar sanınıñ 152gä citüen belderä. Veneśiyädä analizlarında virus kürengän 3 keşe açıqlanğan häm xastaxanägä salınğan. Alarğa 90 yäş’ tiräse.



Bäyläneşle xäbärlär