Qurqınıç virus İranda da tarala

Kovid -19 ildä 16 keşene yaqtı dönyadan alıp kitkän

1365211
Qurqınıç virus İranda da tarala

 

İran däwlät televideniyese xäbärenä kürä, sälamätlek saqlaw ministrı Said Nämäki Kovid-19 oçraqları belän bäyle parlamentqa xisap tapşırğan.

Soñğı mäğ’lümatlarğa kürä, ildä Kovid-19 virusınnan ğomere özelgän keşe sanı 16 ga, xätär virusnı yoqtıruçılar sanı isä 47 gä citkän.

İran xökümäte süzçese Ali Rebii Kum qalasında Kovid -19 arqasında 50 keşeneñ ğomere özelü turındağı däğ’walarnıñ döres bulmawın belderde.

Ul bu xaqta başqala Tähranda ütkärgän matbuğat cıyılışında citkerde.

İran parlamentındağı Kum xalıq ışanıçlısı Ahmäd Emirabadi  sälamätlek saqlaw ministrınıñ xalıqqa yalğan söyläwen belderep, barı tik Kum qalasında soñğı 2 atna êçendä Kovid -19 virusınnan 50 keşeneñ ğomere özelüen alğa sörgän ide.



Bäyläneşle xäbärlär