Yaponiyäneñ yulçı köymäsendä koronavirus oçraqları arttı

Yaponiyädä koronavirus taralu arqasında karantinğa alınğan yulçı köymäsendä tağın 10 çir yoqtıru oçrağı terkälde. Bu xaqta Kyodo agentlığı xäbär itä. Korab sişämbe könne Yokohama portında karantinğa alındı. Anıñ êçendä 3 meñ 700 keşe bar. Alarnıñ 20senä koronavirus diagnozı quyıldı. Awıruçılarnıñ yäş’läre 50 belän 70 arasında.

Yaponiyä sälamätlek saqlaw ministrı Katsunobu Kato monnan alda koronavirus terkälgän 10 keşeneñ xastaxanägä salınuın beldergän ide. Qabat älege diagnoz quyıluçılarnı da, şulay uq, tabiblar qulına tapşıraçaqlar.

Süz uñayınnan, Tayvan’ Qıtay watandaşlarınıñ utrawğa kerüen tulısınça tıydı. İsemlekkä Gonkong häm Makao avtonom töbäklärennän kilüçelär dä kerä.