Oçqıç bädräfendä pistoletın onıtıp qaldırğan

Angliyäneñ êlekkege xökümät räise Dêvid Kêmeronnıñ tän saqçısı qoralın oçqıç bädräfendä onıtıp qaldırğan. Bu N’yu-York - London säfäre waqıtında bula. Yomışın başqarğan urında ul, qoraldan tış, Kameronnıñ pasportın da qaldıra.

 Qoral belän pasportnı kürep alğan yulçı tabıldıqlarnı hawa yulları xezmätkärlärenä tapşıra.

 Angliyä poliśiyä idaräse Skotland Yard xezmätkäreneñ 9 millimetrlı Klok 17 tibındağı pistoletınıñ bädräftä tabıluı turındağı xäbärne oyışma da rasladı. Xätersez xezmätkärne êştän çitläştergännär.  

İsegezgä töşeräbez, Dêvid Kêmeron 2010nçı-2016nçı yıllarda xökümät räise wazıyfasında ide. 2016nçı yılnıñ iyünendä Breksit referendumında küpçelek Angliyäneñ Awrupa Berlegennän çığuın yaqlağannan soñ ul êşennän kitte.