Ğaräplär Tramp planın kire qaqtı

Ğaräp berlege utırışında ul kisken tänqıyt'kä totıldı

1351533
Ğaräplär Tramp planın kire qaqtı

Ğaräp berlege AQŞ ilbaşı Donal’d Trampnıñ “Ğasır kileşüe” dip atağan tınıçlıq planın tulısınça kire qağuın häm berniçek tä iğ’tibarğa almayaçağın xäbär itte.

Kiçä Misır başqalası Kahirädä, Fälästinneñ çaqıruı buyınça, tışqı êşlär ministrları däräcäsendä Ğaräp berlege utırışı ütte. Anda Tramp planınıñ ğadel, ozaq waqıtlı häm kiñ külämle tınıçlıq tözerlek tügellegen belderdelär. Anıñ 30 yıl däwam itüçe solıx söyläşüläreneñ tağın divarğa kilep terälüen añlatuın äytälär.

Urtaq belderüdä plannıñ Qudüs, Golan qalqulıqları, yähüd cirläşü urınnarı häm fälästinle migrantlar mäs’äläse belän bäyle xalıqara xoquqqa qarşı kilüçe maddäläre buluı häm uñışsızlıqqa oçrayaçağı assızıqlana. Anda AQŞnıñ tınıçlıq planınıñ Fälästin xalqınıñ xaq häm ömetlären xätta minimum däräcädä aqlamawı äytelä. Berlek fikerençä, 2002nçe yılda Livanda qabul itelgän Ğaräp tınıçlıq iniśiativası Fälästin-İzrail mäs’äläsen çişü bularaq qabul itelergä mömkin berdänber plan. Ul 1967nçe yılda bilgelängän çiklär buyınça başqalası Könçığış Qudüs bulğan bäysez Fälästin däwläte qorılu häm fälästinle migrantlar mäs’äläsenä BMOnıñ 1942nçe yılda çığarğan 194nçe qararı nigezendä çişeleş tabılunı küzallıy. Belderüdä İzrailneñ Ğaräp tınıçlıq iniśiativasın qabul itmiçä ğaräp illäre belän yaxşı mönäsäbätlär buldıra almayacağı äytelä.    



Bäyläneşle xäbärlär