“Min tarixqa Qudüsne satuçı bularaq kerep qalmayaçaqmın”

Fälästin däwlät başlığı Mäxmüd Abbas Misır başqalası Qahirädä Ğaräp Ligası cıyılışında yasağan çığışında Amerika Quşma Ştatları ilbaşı Donal’d Trampnıñ “Ğasır kileşüe” bularaq bäyälägän güyä tınıçlıq planın kire qağuın belderep,”Min tarixqa Qudüsne satuçı yäisä annan waz kiçüçe keşe bularaq kerep qalmayaçaqmın”dide.

Abbas:”İzrailne 1988 nçe yıldan birle tanıdıq. İzrail’neñ êlekke prem’yer-ministrı İzak Rabin da Fälästin azatlıq oyışmasın Fälästinneñ legal’ wäkile itep qabul itte. AQŞ monnan soñ Fälästin öçen dus il tügel. Tramp belän küreşüne dä kire qaqtım”,-dide.

Fälästin däwlät başlığı Abbas Ğaräp Ligası cıyılışınnan êlek Misır ilbaşı Abdulfattäh Sisi belän dä küreşep söyläşte.

Abbas oçraşuda AQŞnıñ güyä tınıçlıq planına qarşı regional’ häm xalıqara däräcädä köräşneñ ähämiyätenä basım yasap Fälästingä yaqlaw kürsätkän öçen Misırğa räxmätlären citkerde.