Tön'yaq Koreya turistlarnı qabul itmi

Tön’yaq Koreya Qıtayda üpkä yalqınsınuına oxşağan “serle çir”gä säbäpçe bulğan yaña tör koronavirus kizüe arqasında çit il turistlarınıñ ilgä kerüen waqıtlıça tıydı. Bu xaqta säyäxät şirkätläre ber-ber artlı internetta iğ’lan itte.

Qıtayda urnaşqan “Koryo Turs”nıñ belderüendä Kön’yaq Koreyanıñ koronavirus taraluına çik quyu öçen çiklären turizm öçen yabuı äytelä.

“Yang Pionir Turs” ta internet säxifäsendä yasağan açıqlawında ilneñ waqıtlıça çit il qunaqların qabul itmäwen citkerä.

“Uri turs” agentlığı yoğışlı awıru taraluına qarşı kisätü maqsatınnan Tön’yaq Koreyanıñ çit ildän säyäxätlärne tuqtatıp toruın yaza.

Bu tıyunıñ qayçanğa qadär däwam itäçäge häm nindi protokollar ğamälgä aşırılacağı turında älegä belderelmäde.

Tön’yaq Koreyağa kilüçe turistlarnıñ kübese qıtaylar yäisä Qıtay aşa kilüçe keşelär.