"Serle çir"dän ülüçelär arttı

Qıtayda taralğan çirdän böten dön'ya qurqa başladı

"Serle çir"dän ülüçelär arttı

Qıtayda başlanğan häm üpkä yalqınsınuına oxşağan “serle xastalıq”tan ğomere özelüçelär sanı 6ğa citte. Berençe tapqır anı 2019nçı yılnıñ dekabrendä Vuxan şähärendä terkädelär. Yoğışlı çirgä yaña tör koronıvirusnıñ säbäpçe buluı açıqlandı.  

Üpkä yalqınsınuına oxşaş älege awırudan ülüçelärneñ barısı da Vuxan şähärendä yäşäwçelär. Älege koronovirusnı yoqtıruçılarnıñ sanı qalada 77, il buyınça - 291 keşe.

Avstraliyä sälamätlek saqlaw wäkilläre Qıtaydağı virus kizüe säbäple aêroporttağı tikşerülärne arttıraçaqların citkerde. AQŞta da Qıtaydan kilgän turistlarnı ênä küzlegennän ütkärä başlağannar. Gonkong, Yaponiyä häm Kön’yaq Koreya da aêroportlarda tikşerüne köçäytkän.



Bäyläneşle xäbärlär