Makronnı "satqan" jurnalist mäxkämädä

Ul ilbaşınıñ teatrda buluın sośial’ mediada açıp salğan ide

Makronnı "satqan" jurnalist mäxkämädä

Franśiyädä jurnalist Taxa Buxafs comga könne kiçen ilbaşı Êmmanuêl’ Makronnıñ başqala Parijdağı ber teatr zalında buluı turında sośial’ mediada yazğan ide. Näticädä, älege xäbär qaläm iyäsenä qarşı tikşerü êşe başlanuğa säbäpçe buldı.

Kiçä jurnalist saq astına alındı. Buxafs mäxkämädä sud’ya qarşına çıqtı, soñınnan anı irekkä cibärdelär.

Êş şunda ki, jurnalisnıñ yazmasınnan soñ teatr qarşına distälägän protestçı cıyıla. Pensiyä reformasına rizasızlıq belderüçe demonstrantlar Makronğa qarşı şiğar’lär qıçqıra. Alar teatr binasına da kerergä mataşa, ämma poliśiyä alarnı cibärmi.

Makron xatını Bridjit belän teatrdan iminlek köçläre yärdäme belän genä çığıp kitä ala.



Bäyläneşle xäbärlär