Rusiyä Xafterğa basım yasıy

Rusiyädä suğışçan lider Xalifä Xafterğa basım yasalğan

Rusiyä Xafterğa basım yasıy

Rusiyä utnı tuqtatu kileşüen imzalasın öçen Xalifä Xafterğa basım yasıy. Bu xaqta Liviyädä BMO tarafınnan qanunlı sanaluçı Milli kileşü xökümäte belderde.

Tışqı êşlär ministrı sośial’ säxifä Feysbukta bolay dip yazdı: “Rusiyä bezgä utnı tuqtatu kileşüen imzalawı öçen Xafterğa basım yasawın citkerde”.

Rusiyä saqlanu ministrlığı bügen Xalifä Xafternıñ Milli kileşü xökümäte belän qara-qarşı utnı tuqtatuğa uñay qarawın, ämma cirle söyläşülär öçen 2 köngä ixtiyacı buluın beldergän ide.

Törkiyä häm Rusiyä delegaśiyäläre belän Liviyädäge yaqlar arasında kiçä Mäskäwdä oçraşular uzdı.

 Törkiyälelär Milli kileşü xökümäte räise Fayiz äs-Särrac häm Liviyä däwlät yuğarı şurası räise Xalid äl-Mişri belän kileşüneñ tekstın yazdı.

Rusiyälelär isä Xafternı häm Tobruktağı wäkillär parlamentınıñ räise Akilä Salixnı künderergä tırıştı. Ämma Xafter zur tırışlıq belän tözelgän kileşü dokumentın imzalamadı häm irtänge säğat’lärdä Mäskäwdän kitep bardı.



Bäyläneşle xäbärlär