Cir yözendäge iñ borıñğı matdä

Ul Qoyaş sistemasınnan da borıñğıraq

Cir yözendäge iñ borıñğı matdä

Meteoritta Cir yözendäge iñ borıñğı taş tabıldı. Ul 1969nçı yılda Avstraliyägä töşkän bulğan. Merçison meteoritında yaqınça 4 milliard 600 million yıl êlek barlıqqa kilgän Qoyaş häm anıñ sistemasınnan tağın da borıñğıraq minerallarnıñ qıypılçıqları barlığı açıqlana.

Amerika häm Şveyśariyä ğalimnäre 40 kisäkçekne tikşerä. Alarnıñ qayberläreneñ yäşe 5 belän 7 milliard yıl arasında. Alar Cir yözendä bilgele bulğan iñ borıñğı matdälär.

Tikşerenü törkeme citäkçese, Çikago universitetınnan ğalim Filipp Xek minerallarnı “yoldızlarnıñ çın ürnäkläre, çın yoldız tuzannarı” dip atadı.

Keçkenä häm urtaça zurlıqtağı yoldızlar yäşäwläreneñ axırına taba qızıl gigantlarğa äwerelä häm tışqı qabırçıqları şartlıy. Astronomnar kiñäyüçe bu matdä bolıtların planeta tomanlığı dip atıy. Waqıt ütkän sayın alarnıñ êçendäge matdälär suına, qatılaşıp toz häm mineral kisäkçekläre barlıqqa kiterä. Cirgä töşkän qayber meteoritlarda älege kisäkçeklär bar.



Bäyläneşle xäbärlär