Avstraliyä yanğını tötene Cirne äylänep çığa

Anıñ planeta tiräli kimendä ber bocra yasayaçağı farazlana

Avstraliyä yanğını tötene Cirne äylänep çığa

Avstraliyädä aylar buyı sünmäwçe yanğınnıñ tötennäre Cirne kimendä ber tapqır äylänep çığaçaq. AQŞnıñ NASA agentlığı Goddard ğaläm oçış üzägennän belderüençä, töten bolıtı yıl başında Kön’yaq Amerikağa barıp citkän, uzğan atnada isä Cir tiräli turınıñ yartısın tögällägän. Anda: “Tötennärneñ planeta tiräsendä kimendä tulı ber bocra barlıqqa kiterüe kötelä,”-diyelä.

Belderüdä Avstraliyädäge zur yanğınnıñ küp kenä yäşenle dawılğa säbäp buluı assızıqlana. Bu isä tötennärneñ stratosferağa qadär kütärelüenä kiterä. Näticädä ul çığanağınnan meñnärçä çaqrım yıraqlıqqa kitä alaçaq. Bu isä atmosfera şartlarına global’ bularaq yoğıntı yasıy.

Avstraliyädä aylardır tuqtamawçı urman yanğınnarı arqasında 10 million gektarğa yaqın mäydan zarar kürde, 2 meñnän artıq öy kölgä äwerelde häm yartı milliard tiräse xaywan ülde.


Etiketlar: töten , yanğın , Avstraliya

Bäyläneşle xäbärlär